'ay' wa'
poQmo' rojmabvam, 'oH lulajnIS tlhIngan wo' yuQjIjDIvI'
je. loghDaq Suvchuqchugh mangghommeyraj qummeyraj je,
SIbI' mangghomraj DIQotlh.
'ay' cha'
DaH choHqu'bej ghu'. reH tlhIngan wo' yuQjIjDIvI' je
jojDaq neHmaH tu'lu'taH. pa' Suvbe'chuq mangghommey.
'ay' wej
neHmaHDaq HIvchuqchugh nuvpu' ghommey joq, nuvvetlh
ghomvetlh joq nuHmey je lujochHa'choHmoHlu'.
'ay' loS
wej cholbogh poH, jup chaH tlhIngan wo''e'
yuQjIjDIvI''e' je 'ej tay'DI' vum chaH. 'ach DaH leSmoH
qoj leSpoHmo' ghIQmeH 'ejyo'wawmeychajnaw rewbe'chaj
'e' tuch qummey.
'ay' vagh
'orghenya'Daq mIch luvuvnIS qummey. 'orghenya' mIch loH
joq nIS 'e' lunIDbe' qummeyraj. qummeyraj DIQum bIH
DImuv wIneHchugh.
'ay' jav
neHmaHDaq tayqeqmey law' tu'lu' 'e' wISov. nom DuvtaH
tayqeq puS, QIt DuvtaH tayqeq puS. bIH QaHlaH tlhIngan
wo' yuQjIjDIvI' je tIghmey 'Itlh. HachchoHtaH
tayqeqmeyvam 'e' chaw' 'orghenya' qum 'ej qumvaD naw'
qum 'e' chaw' 'orghenya' qum.
toDbaj De'Daq yIchegh